Bèla serada de l'Ostal

Repais e balèti

20h30 : Balèti sul postam de boes, amb los cants a dançar del trio Las Brunetas, lo duo acordeon-cabreta Anne-Marie Marc e Isabelle Valette e amb los musicians del Conservatòri de Rodès

Concèrt

Célia Quichilini que nos aviá regalats lo temps d'una de la prumièira sason de l'Ostal torna vendrà amb son pianò e aqueste còp serà acompanhada d'una violoncèlista locala Naïs Rivarel, per nos prepausar un repertòri classic variat. 

Scèna dubèrta et contes

Crida a tots los talents ! 

20h30 : Entrada liure a la bèla scèna de l'Ostal Bodon per tots los artistes o grops desiran presentar lor produccion : musica, umor, dança...

21h30 : La contaira Delphine Lafon, que nos embelinava per son engenh al temps de la serada "L'Ostal se desperta", nos mena dins un voiatge de contas en occitan, entremesclant imaginari e poesia.

Rosalina canta los poètas occitans

Cant

Rosalina, acompanhada per Guillaume Fric a l'acordeon e Frederic Lestang a la guitarra, vos convida a escotar o a descobrir de tèxtes de poètas occitans : Loísa Paulin, Joan Bodon, Sèrgi Carles, Robert Martí, Joan-Loís Cortial.

Extrach: 

https://www.youtube.com/watch?v=HHaCu0Z_hzc
https://www.youtube.com/watch?v=jbLXILKNFfE

https://www.youtube.com/watch?v=KMVFSew8XVc 

Balèti e concèrt co-organisat per l'AJAL e l'Ostal Joan Bodon dins l'encastre d'una etapa del festenal "Fête et Détours de la Lumière".

Dos grops de musicas tradicionalas van virar :

- Alberi Sonori, que nos ven d'Italia del Sud, se dubrís devèrs un son contemporanèu empegut d'un espaime a dansar o a cantar. Dins lor novèla creacion Matizia, lo cant, coma una brodariá d'art populara, es portat per tres votz de femnas, quora modalas, quora polifonicas, mas generosament brutas. Los instruments a còrdas e a vent, italians o occitans, se rescontran o se tornan crosar al fial del temps. Alberi Sonori se noirís a la sorga de las tradicions, dels rituals e de las cresenças d'Italia tota. Se cacha sus una experiénça non solament de la scèna, mas tanben de la fonctionalitat e de la pratica d'aquelas musicas, encara viventas e ancoradas dins la vida vidanta, al fial dels rituals que ritman lo calendièr.

- Caminaires, sortit de la formacion eponima, camina a dotze, als costats d'un repertòri oral abondós, cadenciat e occitan. Le projècte : inspirar, expirar la matèria sonòra e prepausar una lectura sensible d'un repertòri traditional. Amb la modalitat coma trama d'obratge, l collectiu convida a ausir çò qu'es pas permés, çò que peta, crida et suspren. A dotze, fargan un concèrt aculhent e generós, a las frontièras porosas entre improvisacion, unissons organics, e groove orchestrat.

Composaut de tres cantairas, violons, violoncèl, oud, vièla, percussions, saxofònes (soprano, alto et bariton) e buta-tira.

De que far plasèr a las vòstras aurelhas e cavilhas !

Encontra e cinema defòra 

Presentacion del libre de Patrice Geniez e projeccion del film "Heïdi"

20h30 : Encontra amb Patrice Geniez que presentarà son libre "Au fil du Tarn : une escapade sauvage" e nos farà descobrir las seus fòtos expausadas dins l'Ostal.
22h : Projeccion sus bèl-escran del film Heidi, d'Alain Gsponer, que nos menarà dins los paísatges subrebèls dels Alps Soïssas per segre las aventuras de la jova orfanèla. Vercion occitana, mais n'ajatz pas paur, se comprenetz pas la "lenga nòstra", leo film es jos-titolat en francés !

Lo Boçut

Teatre